“Ms. Naririnig mo ba ako? Bago ka ba rito?” narinig kong tanong ng lalaking kausap ni Kurimaw.
Ngunit hindi pa rin ako nagsasalita at patuloy lang na naglilinis. Wala kasi akong alam na puwede kong isagot na palusot ko. Saka, kapag nagsasalita ako ay nakakatiyak akong malalaman ni Kurimaw ang aking boses. Baka isipin nito ay sinusundan ko siya.
“Naku! Sir, pasensiya ka na sa aking anak. Hindi ka niya naririnig dahil may problema siya sa pandinig,” biglang sabi ng janitress. At agad na hinarap ni Manang ang lalaki.
“Ganoon po ba? Siya ikaw na ang bahala sa anak mo, akala ko kasi ay bago siyang janitress.”
“Isinasama ko lang po siya kapag wala siyang kasama sa bahay namin. Pasensiya na po, Sir.”
“Ayos lang po, Manang.” Agad ding tumalikod ang lalaki para pumasok sila loob ng condo. Agad
