SPRING’s POV
SUNDAY MORNING…
“Good morning!”
Nasamid ako sa tinapay na nginunguya ko nang marinig ang boses mula sa likod ko. Aabutin ko pa lang ang juice na nasa tabi ko ng may kamay na kumuha nito. Uubo-ubo kong sinamaan ng tingin si Cane na naupo sa tabi ko at walang habas na iniinom ang juice ko.
Naiinis na ininom ko na lang ang tubig na nasa tabi ko. Nang makahuma sa pagkakasamid ay sinamaan ko ulit ng tingin ang walanghiyang Cane na siyang-siya habang kumakain naman ng tinapay na galing na naman sa plato ko.
Iniurong ko ang plato ko palayo rito nang tangkain naman nitong kunin ang bacon ko. Number one na pinakaayaw ko sa lahat ay ang pinapakialaman ang pagkain ko. Well, sino ba namang gusto ‘yon di ba?
“Problema mo?! Ang dami-daming pagkain sa lamesa, kailangan ‘yung akin pa an
