FAYE
Padabog kong pinupunasan ang mga alikabok sa kasulok-sulukan ng kanyang office. Bawat bagay na hindi nagagamit ay pabato kong tinatapon sa likuran ko.
Kinuha ko ang mga papel na nasa ilalim at tiningnan ‘yon isa-isa. Puro mga scratch papers lang kaya mabilis kong hinagis ulit ‘yon sa likuran ko.
“Nagdadabog ka ba?”
“Ay, anak ng tipaklong na mukhang chonggo!” Napatayo ako at napahawak sa dibdib ko dahil sa gulat. “Ano ka ba naman?”
“Anong sabi mo?” Ipinalupot niya ang mga braso niya sa chest niya at dahan-dahang lumapit. “Sumasagot ka ba?”
“No—este hindi po, sir.”
“How will you clean my office properly if the dirt is scattered on the floor? If you don’t want that job, you can completely say it to me. Hindi ‘yong nagdadabog ka. Alam mo ba na ‘yan ang pinakaayaw ko sa mga empleya
