PARANG pinipiga ang puso ni Dark sa kaalamang ang bunso sa kambal ay hindi normal, hindi kagaya ng kapatid nito na healthy. Maraming bawal rito; hindi puwedeng mapagod o matuwa nang sobra. Kulang sa timbang, mas lamang ang white blood cells. Sa madaling salita ay napakaselan ng katawan ng anak. Hindi rin basta puwede na ma-expose ito sa mga open space. Sa kaalamang iyon ay gusto niyang umiyak.
“Mr. Montemayor, marami naman tayong magagaling na doktor at magagaling din ang technology. H’wag sana kayong mawalan ng pag-asa. Nasabi ko na ito sa inyong asawa. I suggest na dalhin ninyo siya sa mga specialist.”
“S-Salamat, Dra.”
Tumayo na siya at dumiretso sa nursery. Sabik siyang makita at mahawakan ang mga anak kaya nagmamadali ang bawat galaw niya.
Una niyang nilapitan ang anak na panganay
