NAKATINGIN lamang ako sa kinikilos ngayon ni Kiara. Sobrang saya niya ngayong araw, or always naman siyang masaya, ʼdi ba?
“Coach Chi, ganito po ba ang paraan ng paglalakad?”
Narinig ko na naman ang maarteng boses niya. Lumalakad siya ngayon sa ramp stage habang pinapakita kay Coach Chi ang ginagawa niya.
“Katrina, you can unwind for a while. You need to rest too.” awat na sabi ni ate Lennore sa akin.
Pinatayo na naman niya kasi ako habang suot ang corset at naka-two inches high heels ako. Talagang sinasanay niya akong tumayo nang tuwid at maging confidence sa suot ko.
“Okay po,” saad ko sa kanya at napaupo ako rito sa may gilid. “Ate Lennore, ano po bang mayro'n bukas? Iyong tinutukoy ni Kiara?” tanong ko sa kanya.
Napatingin ako kay ate Lennore nang hindi siya sumagot. I saw her
