NAKAUWI na rin ako sa bahay nila ate Kathleen. Pagkababa ko sa kotse ni ate Lennore ay nagpaalam at nagpasalamat ako sa kanya. Hinintay ko muna siyang makaalis at agad akong tumakbo papasok sa loob ng bahay.
Masakit na ang paa ko pero nakatakbo pa ako. Nararamdaman ko na rin kasi ang sakit ng aking katawan ngayon dahil sa pinaggagawa ko kanina. Gano'n na lamang ang aking ginhawa nang makapasok na ako sa room ko.
“Finally, nakahiga na rin ako! Ang sakit na naman ng katawan ko!” reklamo ko sa aking sarili at napahiga sa kama.
Nakakailang minuto pa lamang ako nakahiga nang makita kong umiilaw ang aking phone. Umikot ako ng pagkakahiga at dumapa na sa kama, dinampot ang aking phone at nakita ang name ni Yago.
“I need to say something important to you, Katrina. We'll meet at the library to
