فصلية الذيب

البارت الخامس

نورهان: جنت مصدومه واكفه اباوع على بابا وعلى ا

اخويه الي ماتذكر اي شي عليهم معقوله بابا عرفني

صاح بنتي نورهان بقن دموعي يجرن كل لحقد اليي

جنت حاسه بي تجاهه راح واشوف اخويه شلون

يبجي وكع لكلاص من ايده واجه عليه

سيف:يعني انتي اختي نورهان موو

نورهان:???اي اني اختك سيف.

سيف:يالله ممصدك وحضنتهه وبقيت ابجي. هاي

اختي لفريت لدنيا كلهه عليهه ومالكيتهه وئيست

صارت كبالي اليوم الحمد الله والشكر الك يارب

ساعدتني ووكفت وياي

نورهان: اجه. سيف وحضني وبقه يبجي واني

حضنته يالله واخيرا صار عندي اخ وسند الي

ورجعلنه سيف شكد جنت احلم بهذا اليوم الي

اشوفه بي وطلع يحبني عبالي ميردوني. وخر سيف

وتقرب عليه بابا. ودموعه تجري بقيت ابجي واصيح

ليش عف*ني بابا اني مو بنتك ليش ماحاولت تسئل

عليه اني من دون البنات ماعندي اب. ليش حرمتني

منك ومن اخوي. شنو سويت اني اعرف طلكت انته

وامي واني واخويه الضحيه لاهوه يشوف امه واخته

ولااني اشوف ابويه واخويه

ابو سيف:عذريني بنيتي. متشوفين الله عاقبني وراح

اموت

نورهان:ماسمحلك تموت بعد كل هلسنوات اشوفك

انوب تريد ترجع تعوفني. وركضت عليه وحضنته

وبقيت ابجي وهوه يبجي. لحد ماشويه هدينه

وكعدنه واخويه سيف طاير بيه ممصدك كل شوي

يباوع عليه ومبتسم. عباله هم جنه منريده وامي.

متريده هيج مفهمينه

سيف:وين جنتي نورهان فريت العراق عليجن ملكيت

اي اثر الكم

نورهان:عايشين بدبي ويه بيت جدو

سيف:اهاا وامم.

نورهان:شفته ذكر ماما وعباله متريده لزمت تيده

وكلتله بعدين اخبرك كولشي صار ويانه

سيف:تمام

ابو سيف:بنتي هذولي خوانج. هذا حسن الجبير وهذا. حسين الصغير

نورهان:هلاوو.

حسن:هلا بيج اخيتي واخيرا صار عندي اخت جنت

احلم. عندي اخت وهسه راح تصير المدلله مالتنه

نورهان:ههه الحمد الله واني جنت احلم واشوف

اخويه وصارو عندي مكان لواحد ربي عوضني ب3

حسين: يعني اني المدلل جنت الصغير هسه راح تاخذ

دوري نورهان لين بنيه.

نورهان:اي وانته تصير المدلل مالي لين اني اكبر

ههههه

الكل بقه يضحك وتعرفت ع عمامي ونسوانهم ومرت

ابوي تباوع بحقد عليه حضرولي غرفه وصعدو

غراضي واخواني فرحانين بجيتي. تعبت من الطريق

نمت كعدت بليل نزلت جوه شفت لمتهم. واتعشينه.

رحت بلحديقه واجه ورايه سيف كعدنه بلمرجوحه.

وكال

. . . . . .. . . . . . . . . . . . . . . . . . . . . . . . . . . . .

. . . . . .. . . . . . . . . . . . . . . . . . . . . . . . . . . . .

سيف: شلونهه?

نورهان:مننو

سيف:امج

نورهان:بس هيه امك هم

سيف:هيه تكرهني ومتريدني.

نورهان:هاي منو ضاحك عليك وكايلك هيج انته

تعرف ماما من عافتك لليوم جانت يوميه تتصل بابا

وتتوسل بس تشوفك. لو ينطيك الهه وجان قافل كل

متحاول يردهه لحد ماتعبت نفسيتهه وصارت متطلع

من الغرفه ومتحجي غير سيف سيف خوالي وجدو

تعبو من حالتهه اخر شي نتقلو لدبي. علمودهه صارت

شوي احسن بس متنام اذا متحضن صورتك وتكول

ابني هسه كبر وصار شاب تزوج بعده

. . . . . .. . . . . . . . . . . . . . . . . . . . . . . . . . . . .

سيف:نورهان. تحجي واني دموعي. ينزلن. وراسي

بقه يوجعني يعني كل هلسنين عايش بجذبه

حضنت نورهان وكلتلهه ارد اسمع صوتهه.

نورهان:تعال وياي اخذت سيف فوك طلعت لابتوب

ماتي. كتله صير وره لابتوب.

سيف:تمام

نورهان:تصلت على ماما مكالمة فيديو

ام نورهان:هلا بنيتي شلونج

نورهان:هلا بيج. ماما حبيبتي تمام انتي شلونج

ام نورهان:عوفيني مني بس كوليلي شفتي سيف

ونزلن دموعهه صار شاب كبر تزوج ابني. شلونه

حبيب امه ??? شوكت يجي اليوم الاشوفه

واشم عطره.

نورهان:جانت تحجي ماما وسيف سمع كلامهه وبقه

يبجي وعيونه صارن حمر وطلع من وره لابتوب

واجه كعد يمي وكلهه يمه.

ام نورهان: يمه سيف انته

سيف:اي يحبيبه اني سيف ابنج ??

ام نورهان:يبعد گلبي مامصدكه شفتك الحمد الله

سمعت هاي الكلمه وشفتك قبل ماموت شلونك

حبيبي يلغالي يعمري ??

سيف:مشتاقلج. يمه

ام نورهان:واني صارلي 20سنه احلم بشوفتك

وليدي. بس شبيدي ابوك حرمني منك

سيف :واني كبرت بعد مايكدر يحرمج. تعالي للعراق

نعيش بيت اني وياج ونورهان

ام نورهان: انشالله اجي اذا عيوني ثنينهن بلعراق

شسوي باقيه هناك بس ابوك هسه حالته موزينه واذا

انته عفته تسوء اكثر

سيف:بعد كل الي سواه بيج تدافعيله

ام نورهان: يبقه ابو اطفالي وانطاني احله شي

بلحياة انته واختك

بتسمنه وسيف حضني وبقينه نسولف ويه ماما

.

.

..

.

. . . . . .. . . . . . . . . . . . . . . . . . . . . . . . . . . . .

.

.

.

.

ونضحك لحد ماغفينه ?..........

. . . . . .. . . . . . . . . . . . . . . . . . . . . . . . . . . . .

. . . . . .. . . . . . . . . . . . . . . . . . . . . . . . . . . . .

. . . . . .. . . . . . . . . . . . . . . . . . . . . . . . . . . . .

الكاتبه;:noor

لاتنسون التصويت حبكم ??

.

.

. . . . . .. . . . . . . . . . . . . . . . . . . . . . . . . . . . .

. . . . . .. . . . . . . . . . . . . . . . . . . . . . . . . . . . .

.

.أكرموا من تحبون بكلمات جميلة و أفعال أجمل ،

أرواحنا خُلقت لفترة من الزمن و سترحل ." ?

. . . . . .. . . . . . . . . . . . . . . . . . . . . . . . . . . . .

. . . . . .. . . . . . . . . . . . . . . . . . . . . . . . . . . . .