NAGMAMADALING tumayo si Paige mula sa pagkakaupo niya sa sofa sa may sala ng marinig niya ang pagtunog ng doorbell sa labas pinto ng condo niya. Nagmamadali din siyang humakbang palapit sa kinaroroonan ng pinto para pagbuksan ang asawa niya na si Gregory. Para namang may mainit na kamay na humaplos sa puso niya ng banggitin niya ang salitang asawa. Hanggang ngayon ay hindi pa din siya makapaniwala na asawa na niya si Gregory.
Susunduin siya ni Gregory. Ngayong araw kasi sila pupuntang dalawa sa bahay nito sa may Pampanga. Tapos na din siyang nag-empake ng dadalhin niya sa pagtira niya do'n.
Inihanda naman na ni Paige ang ngiti sa kanyang labi ng buksan niya ang pinto. Pero nag-freeze ang ngiti niya sa kanyang labi nang sa halip na si Gregory na napagbuksan niya ng pinto ay si Simon ang
