Wala sa sariling binuhat ni LV mula sa counter ang tasa ng kanyang kape na kasalukuyang umuusok pa ng mga sandaling iyon at kapagdaka ay tuloy-tuloy nang humakbang patungo sa balcony ng kanyang unit. Gabi-gabi na niyang nakasanayan na samahan doon si Chanel sa kahit pa lingid iyon sa kaalaman ng aktres. Naging bisyo na niya na gawin ang bagay na iyon gabi-gabi bago matulog, sasamahan niya ito doon hanggang sa pumasok na siya sa loob upang matulog. Kagat na ang dilim sa labas ng building ng mga sandaling iyon at kagaya ng kanyang nakasanayan na ay hindi na siya nag-abala pang buksan ang ilaw ng balcony. Tapos na rin siyang kumain ng hapunan sa labas ng unit nang sundan niyang muli si Chanel na nagtungo ng Desa Park City upang doon ito kumain ng kanyang hapunan gaya niya. Umaga ng araw na iy
