"Umalis ka na naman kagabi. Alam mong may bisita tayo pero nagawa mo pa ring tumakas," agad na saad ni Dad nang dumulog ako sa agahan namin. "I told you to behave."
Mabuti nga umalis ako ay tapos na ang dinner.
Medyo masakit pa ang ulo ko, hindi dahil sa nakainom ako kagabi kundi dahil sa nalaman ko. Tinext ko na nga lang sina Kira na nakauwi na ako kaninang madaling araw para hindi sila mag-alala sa akin na kung saan na naman ako napunta. Nang lumapat ang likod ko sa kama ko ay talagang pinilit kong makatulog kaysa isipin ko ang mga nangyari.
"I did. Hindi ba at wala kayong narinig sa akin kahit na nagpaplano kayo sa manggagari sa buhay ko without asking me. I tried to voice out, but you stopped me," masama ang loob na sagot ko sa kaniya.
I thought he was the first one that would unde
