"Kinasal kana pala, hindi mo man lang kami inimbitahan. Nalaman na lang namin sa balita," saad ni Jeric habang nakaupo kaming tatlo nina Jopeth sa isang outdoor table sa may ilalim ng puno. Tila nagtatampo ang boses nito, pero nakangiti naman ito sa akin.
"Kaya nga, hindi man lang kami nakakain sa reception," segunda naman ni Jopeth.
Wala nga kaming reception. Diretso na agad sa honeymoon.
"Ililibre ko na lang kayo kung pagkain lang pala ang gusto ninyo," sagot ko sa kanilang dalawa. "Civil wedding lang kasi iyon. Biglaan lang kaya wala akong masyadong imbitado," pagdadahilan ko sa kanila. Dalawa nga lang ang kasama ko noon, sina Marco at Kira.
"Libre?" nakangising saad ni Jopeth. "Hindi ako tatanggi sa libre."
"Hanggang ngayon kutungero ka pa rin," naiiling na saad ni Jeric dito.
"A
