EPISODE 16
SABINA VERONICA’S POINT OF VIEW.
GRABE… pinaglilihian ko si Caden. Hindi ako makapaniwala na sa lahat ng pwede kong paglihian ay siya pa talaga. Parang ayaw ko na ngang umalis siya sa tabi ko o mawala siya sa aking paningin. Nababaliw na ako! Hindi naman ako ganito noon eh. Dahil talaga ‘to sa pagbubuntis ko at wala nang iba.
“Nica, kailangan kong pumunta sa trabaho ngayon. Nandito naman si Manang para bantayan ka. May kailangan lang talaga ako na meeting napupuntahan,” sabi ni Caden habang kumakain kami ngayon.
Napatigil ako sa aking pagkain at tumingin ako sa kanya. Simula na rin nang magkasama kami sa isang bahay ay hindi na siya pumupunta sa opisina niya, dito na siya sa unit nagtatrabaho upang mas mabantayan niya pa ako. Okay naman sa akin na umalis siya, trabaho niya n
