Marcus POV
Nagising ako sa ingay na naririnig ko. Idinilat ko ang aking mga mata pero wala namang tao at nakasara ang pintuan ng silid. Wala na din dito si Althea kaya mabilis akong bumangon at nagbihis. Nakatulog pala ako sa sahig at ngayon ay nakakaramdam ako ng matinding gutom.
Paglabas ko ng silid ay inabutan ko lahat ng mga kaibigan ko at mga kaibigan ni Althea sa living area.
"Anong ginagawa ninyo dito?" ani ko.
"Kanina pa kami nagugutom. Kanina ka pa ginigising ni Princess Elli pero tulog mantika ka. Sinira mo ang kama ni Hanz, humanda ka pag-uwi natin dahil siguradong magkakagulo kayong dalawa. Kilala mo naman 'yon pagdating sa mga gamit niya. Grabe kayong dalawa, ano ba ginagawa ninyo at nawawasak ninyo ang kama ha?" naiiling na ani ni Hugo. Tawa naman sila ng tawa at ang mah
