Althea's POV
NAKARATING kami ng Milan na hindi na ako kinausap pa ni Marcus. Inihatid niya kami sa mansion ng aking mga magulang at nagpaalam na din agad siya sa kanila dahil hahayaan daw nila na magkaroon kami ng pagkakataong makapag-usap at babalik na lang daw sila mamaya. Ni hindi nga niya ako nagawang kausapin at umalis na lang agad siya. Nakaramdam ako ng matinding lungkot dahil pakiramdam ko ay hindi niya ako kayang intindihin. Hindi niya kayang intindihin ang sitwasyon ko at mahalaga lang sa kanya kung ano ang gusto niya, kung ano ang magpapasaya sa kanya.
Mahigpit na yakap ang isinalubong sa akin ng aking mga magulang habang ako naman ay hindi ko alam ang gagawin ko. Ang puso ko ay nakakaramdam ng matinding pangungulila ng maramdaman ko ang mahigpit nilang yakap kaya tuluyan na a
