Kabanata Siyam
Maagang gumising si Ria para mag-ayos ng mga tanim sa gilid ng mansyon. Naisip niya kasing ihiwalay ang pwesto ng mga puro bulaklak palayo sa mga gumagapang na halaman. Diniligan din niya ang mga ito. Habang abala ay hindi niya napansin na nasa likod na pala niya si Marcus.
"Hindi ka pa mag-a-almusal?" tanong nito sa kanya. Agad naman siyang napalingon nang marinig niyang may nagsalita.
"Hindi ka pa umaalis?" tanong naman ni Ria nang makita ito samantalang anong oras na.
"Hindi kami pupunta sa barko ngayon. Nagsabi ako kay ama na magpapahinga muna kami nila Caloy at Buknoy. Mayroon din kasi akong babantayan ngayong araw eh," sagot lang ni Marcus. Tinaasan naman siya ng kilay ni Ria.
"Babantayan mo ako? Hindi naman na ako aalis. Magtatanim lang ako rito sa gilid. Sige
