Kabanata Dalawampu’t Isa
Nasa department store sila Victoria at Marcus, at mabilis siyang dumampot ng sleeveless at shorts na kulay yellow, pink at green. Kumuha rin siya ng pink na bestida. Habang naglalakad ay napahinto siya sa nakitang maong dress at maong polo na panglalaki. Parang pangkambal 'yong suot ng mannequin. Hinawakan niya ito at napangiti. Hindi naman niya napansin na nasa likod na pala niya si Marcus.
"Gusto mo ng lalaking anak? Gusto ko rin," bulong nito bigla sa kanya.
Agad naman niyang binitiwan ang maong na polo at kinuha lamang niya ang maong dress na para kay Aliana.
"Kahit anong gender, walang kaso sa akin basta anak ko," tugon niya bago niya itulak ang push cart niya.
"You are right. Sa akin din. Basta magkaroon lang tayo ng kahit isang lalaking anak, ayos na,"
