"Anong ginagawa mo rito?" tanong ko kay Leia matapos ko siyang pagbuksan ng pintuan ko sa kwarto. Itinaas niya ang hawak na wine saka pizza at walang paalam na pumasok sa loob. Nagtataka ko siyang sinundan ng tingin. Monday is not a good idea for sleepover and I bet she knows that. "Leia..."
Umirap siya saka umupo sa sahig at inilagay ang mga dalang inumin at pagkain sa maliit na mesa ko. I sighed.
"You'll shower first?" tanong ko nang mapagtanto na wala talaga siyang balak na umalis. "Kukuha ako ng tubig at baso."
Iniwan ko siya sandali roon at pumunta sa kusina. Pagbalik ko sa kwarto ay wala na siya sa dating pwesto at naririnig ko na ang tubig na tumutulo mula sa shower ko. Inayos ko muna ang laptop na siyang pinagkakaabalahan ko kanina bago dumating si Leia.
Honestly, wala rin nam
