RAMONA
Napasapo ako sa ulo ko nang magising ako. Pakiramdam ko pinupokpok iyon sa sobrang sakit. Hindi ko mapigilang mapangiwi habang pilit na tumatayo. Ipinilig-pilig ko ang ulo ko para mawala ang hilo na nararamdaman ko pero walang nangyari. Maging ang sikmura ko ay parang gustong lumabas lahat ng kinain ko nang nagdaang gabi.
Patakbo akong nagtungo sa banyo at sumubsob sa sink. Sumuka ako nang sumuka hanggang sa wala nang mailabas ang simura ko. Nanghihinang napahawak ako sa magkabilang gilid ng sink upang hindi ako matumba.
Tumingin ako sa salamin at hindi ko maiwasang malukot ang mukha ko dahil sa hitsura ko. Magulo ang buhok ko na para bang walis na lang ang kulang at lilipad na ako. Napatingin ako sa damit na suot ko. Nakapantulog naman ako ng maayos pero hindi ko masyadong maala
