Ang dalawang lady guards na nakatayo sa magkabilang gilid ng events hall ay nagkatinginan nang makita ang ginawa ni Raven. Hindi alam ng mga ito kung aawat o iiwas na lang. Kilala ng mga ito si Raven bilang kliyente sa gabing iyon, kaya nangingimi ang mga itong mangealam.
Si Gazi, na muntik nang matumba dahil sa taas ng takong ng suot na boots, ay inayos ang sarili bago tiningala si Raven na namumula ang mukha sa galit.
"After all these years, sa ganitong paraan mo ako sasalubungin?" reklamo nito, ang boses ay bahagyang nanginginig na tila pilit lang tinapangan ang sarili.
"After all these years, may mukha ka pang ihaharap sa akin?" balik ni Raven dito. "You didn't expect me to welcome you with open arms, did you?"
Itinaas ni Gazi ang mukha saka inayos ang suot na leather jacket. "I wa
