❀⊱Adriana's POV⊰❀
Naligo ako bago pa man makauwi si Sebastian. Ayoko kasing makita niya ang pagiging miserable ko, ayokong makita niya na isa akong talunan, kaya naglagay ako ng kaunting make up upang maitago ko ang namamaga kong mga mata.
Alas otso na ng gabi. Kumain na rin ako at hindi ko na siya hinintay pa. Hindi ko naman alam kung anong oras siya makakauwi kaya ng magutom ako ay kumain na agad ako. Sabi naman niya kanina kung magugutom ako at wala pa siya ay initin ko lang ang pagkaing binili niya para sa akin.
Nagpunta ako ng laundry room para isalang sa washing machine ang lahat ng maruruming damit namin. Gusto ko 'yung may ginagawa ako, ayokong mabagot sa lugar na ito dahil mag-isa lang ako, walang kausap habang nasa trabaho si Sebastian. Nasanay din kasi ako na lagi kong kasam
