❀⊱Adriana's POV⊰❀
Pagkatapos naming kumain ay may isang oras pa na natitira sa akin upang makabalik ako ng school. Nandito pa rin kami sa loob ng restaurant dahil umorder pa sila ng dessert. Masaya ako dahil magkakasama kaming kumain nila Sebastian.
Sa totoo lang ay masaya pala silang lahat kasama kasi puro sila tawanan habang kumakain. Maraming kwento at marami ring kalokohan. Sobrang saya na parang ayaw mo ng tumakbo pa ang oras at pahihintuin ko na lang, kaya lang hindi pwede, kasi walang ganon.
Lahat sila ay nakakatawa, pero mas nakakatawa si Kuya Marcus dahil ang dami niyang kwento na talagang mapapa-hagalpak ka ng tawa. Hindi ko tuloy maiwasan ang hindi humanga sa pinuno ng Venum Organization. Napakabait niya kapag kaibigan ka, pero kapag kaaway ka niya ay magtago ka na hangga't
