┈┈┈┈◦•✩•◦┈┈┈┈
Tahimik lamang ang lahat. Bawat detalye ng lugar ay pinag-aaralang mabuti ni Marcus gamit ang binoculars. Inutusan din niya ang lahat ng mga tauhan na siguraduhing ang lahat ay nakasuot ng bulletproof vest, para makasigurado sa kaligtasan ng bawat isa.
"Nakita mo na ba na lumabas si Black Heart Queen sa lugar na 'yan?" tanong ni Marcus kay Anton.
"Isang bulto ang lumabas diyan. Naka-maskara ito at nababalutan ng makapal na tela ang buong katawan nito. Hindi ako sigurado kung ito ang Black Heart Queen na hinahanap ninyo, pero base sa mga naririnig nating usap-usapan, ay nakaitim din na maskara na hugis puso ang nakita ko na lumabas sa pintuang iyan. Pero saglit lamang ito dahil may tinawag siyang isang tauhan niya. Mula ng makita ko siya diyan ay hindi na siya ulit lumabas
