Nagising ako nang maramdaman kong may marahang tumatapik sakin.
“Shenna.”
“A-Antonio.”
Hinawakan niya ko sa braso at inalalayang bumangon. Napahawak ako sa sentido ko nang makaramdam ako nang kaunting pagkahilo.
“Iuuwi na kita. Baka nag-aalala na sayo sina Manang Rose.” tumango lang ako sa kanya.
Napatingin ako sa bintana, madilim pa rin ang langit. Mukhang saglit lang ako nakatulog.
Napatingin ako kay Cara na nakatayo sa gilid, nginitian ako nito.
Napansin kong medyo namumugto ang mga mata niya, halata rin ang pagod at antok sa mukha niya.
“Salamat sa pagpapahiram ng damit sakin Cara. Sige na, magpahinga ka na.”
Napasinghap ako nang buhatin ako ni Antonio, napaiwas ng tingin si Cara.
“Aalis na kami.” malamig na sabi ni Antonio. Tanging pagtango lang ang naisagot na Cara.
