Napasinghap ako nang lumapit siya sakin at yumakap. Medyo nakaramdam ako ng pagkailang, wala kasi siyang damit pang-itaas.
Marahan ko siyang itinulak. Napatingin ako sa tattoo niya sa dibdib, ang ganda.
“S-Saan ka nanggaling?” tanong ko at napatingala sa kanya.
“France.” simpleng sagot nito.
“G-Gaano ka na katagal dito sa Pilipinas?” napaiwas ako ng tingin sa kanya. Para na namang hinihigop ng asul niyang mga mata ang pagkatao ko.
“One month.” napasinghap ako sa sinabi niya.
“O-One month? B-Bakit ngayon ka lang nagpakita? B-Bakit nawala ka? Paano ka nabuhay sa aksidente? May dumukot ba sayo o umalis ka lang talaga? Anong nangyari sayo sa loob ng limang taon?” sunod sunod na tanong ko. Naramdaman ko na lang ang pagkabasa ng pisngi ko dahil sa luha.
Napaiwas siya ng tingin sakin.
