NAPAMAANG siya at nanlamig ang buong katawan ni Francez nang ilagay ni Prince sa kamay niya ang microphone. Kasalukuyan silang nasa tapat ng videoke sa Quantum sa mall na kinaroroonan nila nang mga oras na iyon. Doon naman kasi ang napili nitong puntahan ngayon.
"Come on, sing that song for me," anito at itinuro ang nasa malaking screen.
Umiling siya. "H-hindi ko pa na-try kumanta nang nakamicrophone habang may ibang nanunuod," nangangatal ang mga labing sagot niya. Pakiramdam niya'y halos mabingi na siya sa lakas ng kabog ng dibdib niya nang mga oras na iyon.
"Simula ngayon, sanayin mo na ang sarili mo, mas marami pa ang manunuod sa'yo kapag nasa stage na tayo," sagot nito.
Mariing iling ang isinagot niya. Pakiramdam niya'y lalong tinambol ang dibdib niya sa sinabi nito.
"Come on F
