"FRANCEZ, tara swimming tayo?" yaya ni Drew sa dalaga. Kumakain pa rin sila sa kubo ng mga oras na iyon. Busog na siya kaya hindi na niya problema ang tiyan niyang laging nagugutom. Solve na solve na iyon.
"Hmm," saglit itong nag-isip.
"Sige na," pamimilit niya rito. "Huwag mo nang isipin. Basta magpalit ka na!" Halos ipinagtulakan pa niya ito papasok sa loob ng cottage ng mga ito. Hindi na rin ito nakatutol dahil mabilis niyang isinara ang pinto.
Nakangiting sumisipol at sumasayaw na pumasok siya sa loob ng cottage nila. Pagkasara niya sa pinto ay itinaas niya ang kanang kamay at pumihit paikot.
'Balerino lang ang peg?' asik ng isip niya. Ngali-ngali na niyang batukan ang sarili. Ano na naman bang kaengklongan ang naiisip niya?
'Sa masaya ako eh!' pagtatanggol ng ibang bahagi ng isi
