KINAUMAGAHAN ay nakilala nina Francez ang ikakasal na sina Ate Sam at Kuya Wyrlo. Mamayang takipsilim pa ang kasal pero naroon na ang lahat. Tila excited ang lahat sa mangyayaring kasalan.
Nagkakagulo naman ang iba sa labas ng resort sa pag-aayos ng venue ng kasal. Mukhang bongga at talagang pinaghandaan ang malaki at enggrandeng kasalang iyon.
Habang tumutulong ang apat nilang kasamahan sa labas ay nagi-ensayo naman sila ni Prince sa loob ng cottage ng mga ito. Mga requested songs kasi ang kakantahin nila. Favorites yata ng dalawang ikakasal. Wala nang problema sa apat dahil kabisado na ng mga ito ang mga kanta. Siya lang ang problema dahil hindi niya alam ang iba. Kaya naroon si Prince upang turaan siya sa pag-awit sa mga awiting iyon. Duet ang gagawin nila pero tinutulungan muna siya
