NANG mga oras na iyon ay nasa apartment si Francez. Abala silang lima nina Tom, Pao, Froilan at Drew sa pagluluto at paghahanda ng pagkain.
Nagtatawanan at nagtutuksuhan pa sila habang nagluluto silang magkakaibigan. Sobrang enjoy na enjoy siya sa kalokohan ng apat na lalaki.
Ibang klaseng maging kaibigan ang mga ito dahil sweet na ay maalaga pa. Mukha nga siyang prinsesa kung ituring lalo na kapag tinopak ang kabaitan ng mga ito. Ngunit kapag napagtripan naman siya ng mga ito ay kawawa siya. Buti nga lang minsan ay inililigtas siya ni Drew sa kamay ng mga kaibigan kaya imbes na siya ay nababaling ang atensiyon ng mga ito sa lalaki. Minsan nga awang-awa siya rito dahil dinaganan ito ng tatlong dambuhala. At nang pinagsusuntok niya ang tatlo upang iligtas ito ay parang batang kakapit ito
