Savannah
"Albrey!," gulat na sambit ko.
"Don't you dare fvckng touch her," mahinahon ngunit may diin niyang pagkakasabi sa lalaking muntik nang mambastos sa akin.
Humarang siya sa harapan ko at humarap sa lalaki. Hinubad niya ang suot niyang coat at iniabot sa akin. Wala siyang sinabi, kahit tingin ay hindi niya ako tinapunan man lang. Ngunit alam ko na ang ibig sabihin niyon, kaya mabilis ko itong inabot mula sa kan'ya at isinuot sa katawan ko.
Napalingon ako kay Trixie na nasa tabi ko at kita ko ang pagkagulat sa mukha niya, pero may biglang sumilay na mga ngiti sa labi niya nang tumingin siya sa akin. Parang kinilig.
Narinig ko naman ang pagsinghal ng lalaki dahil sa sinabi ni Albrey.
"And, who are you?" sarkastikong tanong naman ng lalaki sa kan'ya. Namumungay na ang mga mata n
