Sikat ng araw ang tumama sa mukha ni Anna na siyang ikinagising niya kinabukasan. Mabigat ang ulo na bumangon siya at tinungo ang banyo para maghilamos at magsipilyo. Makaraan ang ilang minuto ay lumabas siya ng silid at sinilip ang alaga niya sa silid nito.
At dahil anong oras na siya nakatulog kagabi ay panay pa ang hikab niya at hindi niya maitatangging inaantok pa rin siya sa mga sandaling iyon. Dala ng antok ay hindi niya namalayan na ang kuwartong pinasok niya ay hindi silid ni Paolo, kundi ng ama nito.
"What the f**k, Anna?!" Isang malakas at gulat na boses ang nagpagising sa inaantok niyang diwa.
Kinusot-kusot niya ang mga mata at pilit na inaninag ang taong nakatayo hindi kalayuan sa harapan niya.
"Are you dreaming, Anna?! s**t! Bakit ka narito sa silid ko?" Sa pangalawang pa
