KABADO AKO hab HABANG inaayos ang suit ko. Hinihintay na ako sa venue para sa engagement namin ni Annika dito sa exclusive Hotel namin.
Makailang beses akong napabuntong-hininga habang tinititigan ang sarili sa repleksyon sa salamin. Dapat masaya ako eh, nasa akin na lahat. Marangyang buhay, kasikatan, good looks at girlfriend na ilang saglit na lang ay magiging fiancee ko na. Pero kahit dayain ko ang sarili, alam kong hindi ako masaya dahil wala sa tabi ko ang babaeng pinakaminimithi ko.
Kasalanan ko rin naman kung bakit siya lumayo at 'di na muling nagparamdam. Hiningi ko 'yun sa kanya at alam kong nadurog ko siya noon, bagay na pinagsisisihan ko gabi-gabi.
Kung pwede ko lang ibalik ang oras? Gagawin ko mabawi lang ang mga sinabi ko pero, tapos na 'yun. Nangyari na at 'di ko na mabab
