Masaya akong nakahiga na nagce-cellphone sa living room. Ang nagsisilbing unan ko sa ulo ay ang lap ni Sarhan at ang nagsisilbing unan ko sa paa ay si Zerho.
"Lerian, anak?!" masayang sigaw ni auntie. Siya ay nakatingin sa pinto. Dahil sa curious ako kung sino 'yun ay kaagad akong tumayo. Gano'n din ang ginawa ng dalawa kong asawa.
Bumungad sa akin ang isang babae na maganda, blonde ang buhok, mukhang model, matangkad, at maputi. Teka, artista ba siya?
"Hi, mom!" Niyakap niya si auntie. So, pinsan ko pala siya.
"Hi, Sarhan!" masayang sabi ni Lerian sabay tumakbo siya papalapit kay Sarhan. "Zerho!" Niyakap niya rin si Zerho.
Bigla akong nakaramdam ng inis. Mahirap pala kapag dalawa ang nilalaman ng puso, dalawang sakit din kapag nakakaramdam ng selos.
"Who is she?" Lerian asked.
