BUMALIK na sa kwarto niya si Violet pagkaalis ni Dashiel. Pinasundo siya nito kay Manay Sylvia at nagbilin pa sa babae na tulungan siyang maghanda para sa dinner nila mamaya. Ibig sabihin ay maagang uuwi si Dashiel at hindi siya mag-isang kakain sa hapunan.
"Nakita ko na naman ang labas nitong rest house, pero bakit hindi pa rin ako inaalisan ng kadena ng amo n'yo? Hindi naman ako makakatakas."
Hindi kumibo si Manay Sylvia. Inaasahan na niya iyon dahil pagdating sa ganoong usapin ay hindi basta nagbibigay ng komento ang babae. Tinanong lang siya nito kung may iba pa siyang kailangan at nang sabihin niyang wala na ay iniwan na siya.
Buong umaga na naman siyang mag-isa sa kwarto at ang sarili ang tanging kausap. Paminsan-minsan ay nakakatulong sa kaniya ang librong bigay ni Manay Sylvia
