ABA! Sa wakas at nagparamdam ka! Magaling na babae! Por que nakakuha ka ng mayamang nobyo, nilayasan mo na kami! Ang tatay mo, nag-aalala na sa'yo! Sabi ko naman sa kaniya, h'wag ka nang intindihin dahil ikaw nga na anak, hindi na rin inintindi kaming pamilya mo! Ano? Buhay-reyna ka ba?! Nasaan ka? Baka lang maisipan mong mag-ambon ng grasya? Nandito pa rin naman kami sa dati nating barong-barong.
Makailang ulit na binasa ni Violet ang sagot sa mensaheng kapapadala lang niya para sa tatay niya. Mensahe ng pangungumusta at pagsasabi rito na nasa maayos siyang kalagayan. Sigurado siya, si Tita Gimena niya ang sumagot sa kaniya at hindi ang tatay niya. Pero hindi iyon ang iniisip ng dalaga. Nalilito kasi siya. Una, kahit saang local news site ay wala siyang nahanap na insidente ng abduction
