Chelsea’s POV
Paalis na ako ng bahay papunta na sana sa bahay ng alaga kong si baby C2 nang may hindi ako inaasahang mga bisita. Walang iba kundi si Sir Nikolas at Sir Larius.
Anong ginagawa nila dito at ano ang kailangan nila sa akin? Pero parang mas nagulat sila na nakita ako base sa kanilang mga reaction. Para nga silang nakakita ng multo. Mukha ba akong multo?
Pa-simple kong inuyuko ang ulo ko para tingnan ang suot kong t-shirt. Luma na ito pero maayos pa naman kaya hindi naman mukhang busabos ang itsura. Ang pantalon ko naman ay hindi naman punit o kupas. Kaya wala akong nakikitang ikinagulat nila sa itsura ko.
“Good morning po.” Bati ko sa kanila na nakatitig lang sa akin.
Napakunot noo ako. Bakit ganito sila makatingin para bang may mali sa akin. Ikinaway ko ang mga kamay ko
