ANDROMEDA
*riiiiiing*
"Hindi pa ako ready... hmmm..." dahan-dahan kong binuksan ang mata ko para ihinto ang pagtunog ng alarm clock. Kaso hindi ang alarm clock ang una kong nakita kundi isang pants ng lalaki na malapit sa kama na hinihigaan ko. Mabilis kong tinaas ang tingin ko para makita ko kung sino ang nagmamay-ari ng pants at nakita ko si Sulphur. Mabilis akong napabangon dahil sa gulat, at napaatras pa ako ng makita kong hindi lang siya ang nasa kwarto ko kundi nandun din si Aluminum, si Argon, at iba pang naka-tuxedo na lalaki.
"Good morning." bati ni Argon.
Mabilis na kumunot ang noo ko. Binalot ko pa lalo ng kumot ang buo kong katawan dahil nahihiya akong makita nila ako.
"Bakit kayo nandito?" hindi sila nakasagot dahil bumukas ang pinto at iniluwa no'n si Neon.
