Nakataas ang noong naglakad ako papunta sa elevated na parte ng silid kung saan ay kinaroroonan ng mahabang lamesa na halos sumakop sa kahabaan ng ginawang stage.
Ang sabi ni Reymond, ang silid na ito ang pinakamalawak na conference room na mayroon ang RF Network. Ginagamit talaga ito para sa mga ganitong dahilan ngunit ngayon lang ginamit ng isang miyembro mula sa aming angkan.
Malawak ang silid, kayang-kaya niyong i-cater ang may limandaang reporter bukod pa sa mga manonood nang live sa press conference na ito.
Pinanatili ko ang tipid na ngiti sa mga labi kahit na bahagya akong nagulat namg makita ang sandamakmak na mga reporter. Umabot yata ng isandaan ang bilang nila at hindi ko iyon maintindihan lalo na at biglaan ang magaganap ngayon. Limitado ang oras na ibinigay namin sa mga rep
