"Sigurado ka bang okay ka lang talaga?" Ilang araw na akong tinatanong ni Gian niyon. Baka nga lumipas na lang ang isang linggo ay iyon pa rin ang itanong n'ya sa akin.
Ganoon s'ya katutok sa akin na kahit na ilang araw na ang nakaraan mula nang makausap namin si Cordelia ay s'ya ang hindi makalimot doon.
Hinawakan ko ang isa n'yang kamay. "I'm fine. Huwag mo akong alalahanin. Hindi naman ako nasaktan."
Umismid lang si Gian. "Napasó ka. Kung sana lang ay naging mabilis ako, baka hindi ka nasabuyan niyong mainit na kape."
Nakangiting hinaplos ko ang kanyang pisngi. "Okay lang ako. Hindi ko rin naman masisisi si Cordelia. Ang gwapo kasi ng boyfriend ko."
Hindi nga lang s'ya kumagat sa pambobola ko. Nanatili ang seryoso n'yang ekspresyon. "Mas mabuti siguro kung ipapa-ban ko na lang si C
