"Para po!" Ang magalang kong pagpara kay Manong driver pero hindi niya yata ako narinig dahil sa mahina kong boses. "Para po, Manong!" Mas malakas kong sigaw at nagtinginan sa akin ang ibang pasahero.
"Salamat po." Mabilis na akong bumaba at pinahid ang pawis ko bago muling tinignan ang address ng art studio na nakita ko lang sa Google.
"Malapit sa Mcdo, papasok sa kanto at katabi ng Chapel." Muling basa ko sa isinulat ko at agad ko namang nakita ang nabanggit na Mcdo at katabi nito ay isang kanto.
Hinintay ko ang red light bago tumawid sa kabila at naglakad papasok sa nasabing kanto. Siomai House, Ukay-Ukay, Sari-sari store, aha! Nakita ko ang isang puting chapel at katabi nga nito ay isang hindi kalakihang Art Studio na ang pangalan ay 'Paradise'. Naglakad ako palapit sa studio at
