“Puwedeng-puwede ka nang mag-asawa, iho. Aba’y hindi ko akalaing ganito ka pala kasarap magluto!”
Marahang natawa si Pascal. Halata sa mukha nito ang kaunting pagkakahiya dahil sa papuri. Kitang-kita naman kasi sa mukha ni Dra. Vidanes ang pagkakaaliw nito sa binata dahil sa totoong nasasarapan ito sa niluto nitong paella at kare-kare.
“It’s really amazing to know a man like you really knows how to cook,” lalo nangiti ang ina ni Astra nang makita nitong sinandukan pa ni Pascal ng mas maraming paella ang dalaga.
“Pascal, stop it. Okay na’ko,” pinigilan ito ni Astra matapos nitong makapaglagay ng ilang kutsara pa sa plato nito. Pabulong ang pagkakasambit nito na sinasagot din ng pabulong ng lalaki. Nasa kaliwa nito nakaupo si Pascal habang si Jarred naman ay nasa kanan. Pabilog ang malaki
