*Jeanine's POV*
"Pagod ka na ba?." Tanong ni Yael sa akin. Huminto siya sa paglalakad at nilingon ako.
Huminto din ako ilang hakbang mula sa kanya at tahimik na umiling.
Bahagyang kumunot naman ang noo niya sa sagot ko at pinakatitigan ako.
Muling kumabog ang dibdib ko sa titig niya. Pero binalewala ko iyon at iniwas ang tingin sa kanya.
Inilibot ko ang paningin ko sa paligid namin. Parehong tanawin parin ang nakikita ko. Mula kanina hanggang ngayon ay mahamog at disyertong kalsada parin ang nakikita ko. Pati ang mga abandonadong gusali sa paligid namin hindi nagbago. Mukhang nasa gitna kami ng malaking siyudad. Kaya kahit magiisang oras na kaming naglalakad pahilaga ay parang nasa pinakapusod parin kami ng lugar.
"Nasan ba tayo? May idea ka ba kung anong lugar to?" Tanong ko kay Yae
