PART 4 OF GUILLIER ACADEMY
EARTH WIELDER
*Christine POV*
"Asan na ba tayo?" Tanong ko habang hinahawi ang makapal na halaman sa harap ko. Pagkatapos ay maingat akong humakbang para lampasan iyon.
"Aba, ako pa talaga ang tinanong mo. Eh sinusundan lang naman kita." Sagot ni Sallie sa likod ko. Tulad ko, hinahawi nya rin ang mga sanga at makakapal na halaman sa harap niya.
Pareho kaming nasa gitna ng kagubatan, at kahit pa tirik na tirik ang araw sa kalangitan ay para parin kaming nangangapa sa direksyong tinatahak namin.
Huminto ako sa ilalim ng malaking puno at tiningala ang langit na natatakpan ng nagtataasang puno. Pagkatapos ay hinihingal na sinuyod ko ng tingin ang buong paligid namin. Halos wala namang pinagkaiba kanina, parepareho ang itsura ng mga puno at halaman sa parteng to
