*Yael's POV*
"Andito na ba tayong lahat?" Tanong ko kay Sean. Magbubukang liwayway palang at nasa loob na kami ng gubat kung saan kami unang nagusap usap tungkol sa planong ibalik si Irvin.
Isa isa kong tiningnan ang mga kasama namin ngayon. Lahat ng kaibigan ni Jeanine, kumpleto. Narito din si Marvin at pati na kami ni Sean. Pero hindi ko nakikita sila Kaeden at Jared. Luninga linga pa ko sa paligid namin, pero hindi ko makita ang dalawang Elite ng Nacht.
"Dalawa lang ang kulang." Sagot ni Sean na nagkompirma sa hindi pagsipot nila Kaeden at Jared.
Kumunot ang noo ko at binalingan si Marvin. "Nagpadala ka ba ng mensahe sa kanila? Baka hindi nila alam na ngyon tayo magkikita kita?"
Nagkibit balikat siya. "Kagabi ko pa sila pinadalhan ng mensahe pero wala ni isa sa kanila ang sumagot."
