*Marvin's POV*
Nakatingin ako sa dalawang Elites na naglalaban sa harap ko pero ang layo ng tinatakbo ng isip ko.
Alam kong nanalo si Teresa sa unang laban nya kanina dahil naramdaman ko ang tuwang naramdaman niya.
Binasa ko rin ang isip niya at nakita ang nangyari.
Ang laki na ng inimprove niya mula ng dumating siya dito sa Academy.
Lalong lalo na sa paraan niya ng pakikipaglaban.
Di ko napigilan ng muling bumangon sa dibdib ko ang inis sa kaalamang si Vlad ang nagturo sa kanya ng lahat ng yun.
Hindi alam ni Teresa na alam ko na ang tungkol sa tagong pagsasanay nilang dalawa kasama si Sir Daemon.
Kahit hindi niya sabihin sa akin nagawa ko naman yung mabasa sa isip niya nung mga panahong nakababa ang harang nya.
Di ko naman intensyong panghimasukan ang isip nya pero nagtataka lang
