*Teresa's POV*
Kinakabahang naglakad ako papasok ng Arena. Kumakabog ng malakas ang dibdib ko at pinagpapawisan din ako ng todo. Kasabay kong naglalakad ang apat na matatalik kong kaibigan at ang grupo nila Marvin.
Pagpasok na pagpasok palang namin, agad na sumalubong samin ang malamig na hangin at kadiliman ng gabi.
Ilang segundo rin akong walang makita bago tuluyang nagadjust ang mga mata ko sa dilim at makita ang kabuuan ng Arena.
Tulad parin ito ng dati. Walang nagbago. Pati ang pakiramdam ko ng unang tumapak ako sa loob nito, parehong pareho.
I'm nervous. And I'm scared.
At halos pilitin ko na ang mga paa kong magpatuloy sa paglalakad.
Ito na ang araw, o mas tamang sabihing gabi, ng pagbubukas ng portal. Sa hating gabi, ganap na sasapit ang Summer Soltice at malalaman na namin
