Nagkulong ako sa kwarto pagkatapos ng sagutan naming iyon ni Dad. I walked out of them. Wala na akong pakialam kahit halos napanuod nila Susan ang pagtatalo namin. Ang gusto ko lang gawin ngayon ay mawala sa paningin ni Dad. Kapag nagtagal pa ako doon ay baka umabot pa sa kung saan ang usapan namin o may mangyari pang masama. Madagdag pa sa kasalanan ko iyon dahil ginalit ko sila.
Nabalitaan ko na lang mula kila Sharon sa tuwing hinahatiran nila ako ng pagkain na agad ding lumipad pabalik na Manila si Daddy while Mom decided to stay. Hindi ko alam kung bakit pa siya nanatili dito. Hindi ko nga rin alam kung tama bang manatili pa ako dito. Pakiramdam ko ay wala na akong karapatan pang umapak sa labas dahil paniguradong kumalat na sa buong isla ang tungkol sa nangyari.
Nagtalukbong ako n
