"ATE! Ate! Tumawag si kuya Anton!" Salubong nina Marco at Daniel sa kanya pagkapanaog niya ng hagdan. Nakangiting sinalubong niya ang mga kapatid.
"Talaga? Anong sabi? Kumusta na raw siya?" Natutuwang tumigil siya sa ibabang hagdanan at hinarap ang mga ito.
"Magaling na raw siya ate at malapit na siyang bumalik sa 'tin. Miss na raw niya tayong lahat. Tapos kinuha ni Senyor Adam ang telepono at sila ang nag-usap." Si Marco ang sumagot.
"Ate, titira ba sa atin si kuya Anton?" Hindi kumukurap na tanong ni Daniel.
"Ha?" Hindi muna siya sumagot dahil hindi pa nila napg-usapan iyon ni Adam.
"OO, makakasama ninyo ang kuya Anton ninyo rito, kung okey lang sa inyo?" Bungad ni Adam sa sala at lumapit sa kanila.
"Talaga po, Senyor Adam?" Nakangiting lingon ni Daniel.
"Talaga. Pero hindi ba sab
