"EVANNA?"
Naudlot si Evanna sa paglabas ng banyo nang makita si Sasha sa labas, mukhang hinihintay siya. Hindi niya magawang ngumiti. Hindi siya marunong magkunwari. Kaya hindi na lang siya umimik.
"Evanna, pwede ba tayong mag-usap?"
Nasa mukha ni Sasha ang sinserong hangarin. Nagseselos siya rito, pero hindi naman niya magawang magalit. "B-bakit?"
"It's almost lunchtime, how about we go out for lunch?" Sasha smiled.
Tumango si Evanna. Sumunod siya kay Sasha nang magpatiuna itong maglakad. Humantong sila sa isang karinderya na walking distance lang sa building ng Joaquin Enterprise. Medyo abala na sa karinderya, walang mesang bakante na mapupuwestuhan para sila makapag-usap.
"Mukhang mali ang lugar na pinili ko." Nahihiyang ngiti ni Sasha.
"Kumain na lang muna tayo." Magalang na sab
