TAHIMIK si Chelle habang nasa loob ng OR ang kapatid nito na kasalukuyang inaasikaso ng mga doctor. Kahit paano ay tila nabunutan ito ng tinik na nakatarak sa kanyang dibdib na ligtas ang Kuya niya. Kahit na gulong-gulo pa rin siya kung paanong. . . ang pinakamamahal niyang Lolo at pinsan pala ang may pakana ng lahat.
Hindi lang siya makapaniwala na magagawa nilang ipapatay siya at pamilya nila para sa pera. Mabuti na lang pala at hindi tinatanggap ng kapatid nito ang posisyon sa kumpanya. Dahil tiyak na maging ito rin ang pinapatay sana ng Lolo nila.
Napayuko ito na tahimik na umiyak. Para siyang sinasaksak sa puso habang naiisip ang kabataan niya. Kung paano sila inalagaan ng Lolo nila noong namatay na ang mga magulang nilang magkapatid. Pero heto at pakitangtao lang pala lahat ng iyon
