أنثى في معتقل الخطيئة

ليلة صاخبة اخرى

#انثى_في_معتقل_الخطيئه3

زمــــــن..:

. ..وعيت ع الدنيا واني هنا بهالبيت اني وامي ..وصلت للسادس ابتدائي ..وباجي نوال جبرتني ابطل من المدرسة ، امي لا حول ولاقوة تنفذ اوامر نوال في سبيل تحميني ورغم حبي للدراسة واحلامي وطموحاتي واني بعمر صغير بس بطلت مجبورة ..

اني سمعتهم يتناقشون وماافتهمت شنو يدور بينهم بس اكيد هالشي يخصني جان اسمي يتكرر اكثر من مرة بيومها اتذكر جنت نايمة والجو حار واني رغم هذا متغطيه لحد وجهي ..بس اخاف حتى اتسمع الهم خايفة لا اصير مثل البنات الي هنا لهيج **يت سمعي من انتهوا من النقاش

حسيت اامي دخلت للغرفة الي اني بيها وكالت من اليوم ورايح بعد مدرسه ماكو

انصدمت كتلها ليش

كالت بعصبيه خليني اكمل

..واستمرت بالكلام .. ومنا وهيج تنظيف البيت كله عليج غرفه غرفه انت تنضفيها ..

استغربت وانصدمت امي بطبعها حنينه وياي ..شبيهه اليوم قاسية !!

وضحت الي وكالت اريد مصلحتج اني. اريد احميج مااريدج تتلوثين مثلي شوفيني شلون دااعاني من الامراض والالتهابات .. جنت صغيرة بوقتها بس ثنعش سنة .. وقبلت بكلشي ادري بامي مابيدهه شي

نوال هيه الامر الناهي هنا ...

بعدها كلما اكبر اكتشف شي اكتشفت ان امي مو هي امي الولدتني فقط ربتني .. وحجت الي شون امي تخلت عني من يوم ولادتي ..لان حملت بيه بالخطأ

واخذتني هي هنا لبغداد لاختها .. وبعد. شويه شويه اكبر وافتح عيني ع الدنيا واشوف الي يصير بالبيت من خطيئه

اشكال الخطاة يجون كل يوميه يمارسون الرذ*له ..

امي الي ربتني اعتزت بيه ومارادت تلوثني مثلهم ..لذلك حمتني من اختها باجي نوال .. ولو لفتره مؤقته

كنت اشوف شلون البنات هنا يعانون من الاذيه مرات يعتدون عليهم بكل وحشيه ومرات ميسلمون من عقوبات نوال نفسها

واذا صار طفل بالغلط يااما مصيره الاجهاظ او ينولد ويبيعو وهوايه قصص بنات صادف*ني واني بعمر زغير الي منهزمه من اهلها والي لقيطه واشكال.

بقيت بعيده عن الخطيئه شغلي كان تنضيف قذرات الخطاة. الصبح كنت اروح للغرف وانضفهم غرفه غرفه وبلليل ابقئ بالغرفه مالتنه اني وامي .هم تبدي لياليهم الحمراء الصاخبه وصوت الموسيقى يوصل لغرف*نا المعزوله صرت الهي نفسي بالرقص الا ان اتعب وانام وصوت الموسيقى يترس اذني .. هذا المعتقل الي اني عايشه بي مليان خطيئه .. وصرت ادعي ان اكون بعيده عنها ..بس بص*ري حقد لامراه ولدتني وتخلت عني بدون ان تفكر بمصيري الي متأكده منه اني هو مراح اسامحها ابد °°

بفد يوم الصبح امي اشرت الي ع الغرفه الي راح انضفها .. رحت لحتى انضفها بعادتي افوت للغرفه اقفلها اخاف احد من السهرانين لسئ باقي بالبيت ويجي يشوفني امي متخليني ابين لاحد تكول خاف يطلبوج من نوال وانت حلوه .. °°

صرت الملم الوصخ من الارض وبقرب السرير رفعت جسمي طخيت بشخص .. متوقعت اكو احد بالغرفه لسا ..متت خوف حسيت خلص رحت بيهاا كمت وصرت بوجهه باوعتله شاب ضخم لابس قميص ازرق ومفتح الدكم شعره مبلول مي اتعمقت بنضرات عيونه محمره وهنه لونهم زيتوني تسحر صار صافن عليه ظللت ارجف خفت وتذكرت نصائح امي االي ..اخذني وشمرني

ع السرير وصار جسمه ملاصق الي .. ويناديني ورده ..اني مااتذكر اكو وحده اسمها ورده هنا عدنا ..ماادري شيقصد دفعته

گتله اني مو ورده مو ورده اني اسمي زمن والله ..هسه اخلي باجي نوال تجيبلك وحده اني شغلي انضف هنا وبس .. كام مني واني بكل خوف صرت امشي واوكع وصلت للباب صرت اريد افتح باب الغرفه مگدر ت.. سمعت صوت خطواته .ورايه باوعتله شفته جاي . باتجاهي .. صار قريب مني حصرت نفسي بزاوية الباب .ولفيت نفسي بايديه لأحمي نفسي . مد ايده للقفل .. وفتحه الي وابتعد عدة خطوات. بقيت صافنه بوجهه اتكتف ايديه واشر الي بايده بمعنى اطلعي فتحته ورحت اركض من الغرفه مهزومه ميته خوف

واحمد الله ماصار الي شي. ويا

قياد..:

فقدت للحظه حسيتها ورده ..شبه فضيع يخلق من الشبه اربعين .. تذكرت رضا خابرته جاوب كال راح اطلع..طلعنا وصلنا للصاله محد موجود ..گتله يله دنروح

رضا..:

اريد احاجي نوال ..

قياد ..:لك يانوال .. رضا لعبت نفسي لك يلا نروح

رضا..:يلا نروح غير مره اجي ..

قياد..:شتسوي تجي بعد

رضا..:شغله بعدين اكولك عليهاا ....

قياد..:

طلعنا من البيت ونتلفت لااحد يشوفنا مشينا مسافه وصلنا للكراج اخذنا سيارتنه وطلعنه طول الفتره هي واني سارح بالبنت الي شفتها ..اسمع رضا يحجي بس ممركز عليه ..يكول شافهه مريضه والطفل مو الها وراح اشتري ومن هالحجي. وصلنا للبيت تفكيري بالبنت زاد هوايه بينها وبين ورده شبه ..تفكيري بالبنت زيد حنيني الوردة قلبي

بعدهابأيام قررت اسافر لان صار شهر ممسافر لبيت ابويه .. عديت العده للسفر بلكي اصدفها واقا**ها وتتكحل عيوني بشوفها لان بنت بيت الدعاره اخذت كل تفكيري وشغلت بالي اريد انساهه مدااكدر .. ترخصت من عمتي وزوجها ..وطلعت لمحافضة(----)بيت ابويه وصلت العصر .. صارت مقابيلي اختي رحمه وكانها جايه من عرس هيجي شي ..وانصدمت بشوفتي بوستها ع راسها وبوستني من خدي .. وكتلها شكو اشو مصدومه .. دخلت هوائل مرت ابويه .. وشاف*ني احاجي رحمه ..سلمت عليها وردت السلام وهي تضحك وكانها تتشمت جان تكول يوم الالك ورده انخطبت ..وتضحك رحمه دنجت وراحت تمشي بثقل لغرفتها وهوائل الضحكه تارسه حلگهاا .. البيت كله يعرف اني احبها الورده .. وكم من مره خطبتها .. لذلك كانو متاثرين .. رحمه حزينه عليه وهوائل فرحانه تحب تغيضني .. عفتهم

ب2/3

دخلت الغرفتي واني معصب وبداخلي بحر من الوجع والكثير من التساؤلات ليش ماانتظرتني .. ليش سوت هيج معقوله خدعتني .. تمنيت لحظتها اشوفها اعاتبها الوجع بداخلي خلاني اتمنى حتى اض*بها احركها انتقم منها ..بشنو احسن مني الي خطبهاا ..

ماالي خلك اسوي اي شي فقدت اللذه والطعم بالحياة كلها . بدلت ملابسي. تمددت ع السرير خليت المخده ع راسي ونمت

سمعت ابويه دخل للغرفه صاح قياد قياد مجاوبته .. وحسين كذلك ورحمه يحاجوني ماارد عليهم .. بعدها من صدك غفيت ونمت بس بأحلامي مشفت ورده لا شفت شبيهتها الي شفتها ببيت الدعاره زمن اي هي زمن كعدت من النوم ...وقررت اسلم ع ابويه. وبعدها انطلق البغداد .. واروح الزمن لان احس محتاجها .

زمن..:

طلعت من الغرفه ميته خوف .. صرت امشي سريع بالممر .. انصدمت بباجي نوال ..كفشتها عاليه وريحتها مطيبه ومنعسه ولابسه بس كيمونه قصيره .وبيدهه بطل احم. گالت هووو شبيج امشي عدل لج .. وض*بتني راشدي .. جتي امي گالت شكو خيركم

نواال ..هالعوبه هاي متمشي عدل خليني اربيها اطلع الضيم بيها

ام زمن ..:لا عيني ع بختج خيتي انه اربيها الج بس كولي شسوت

نواال ..:هسه عوفينه من الشسوت شوكت تدخل خدمه

ام زمن..:ياخدمه خيتي هي هيه ممقصره اشو .. نهارها كله تنضف

نواال ..غصبن عليها مو لو مااحنه جان هسه الجلاب نهشتها وهي بعدهه لحمه حمره

زمن ..ياريت والله لو ناهشتني الجلاب ولا العيشه الي اني بيها شكول عليج يلي جبتيني وشمرتيني هالشمره .. گلت هالكلام بقلبي ..بينما كملت باجي نوال كلامها وگالت ندخلها للشغل اشو مناقصها شي شابه وباكر وحليوه والله لاابيع بكارتها بشي وشويه تستاهل بنت الشيوخ مو كتيلي هيج اهلها شيوخ ..

ام زمن ..لا على بختج نوال خيتي انه شنو اتفقت وياج من كبل .. عوفيها والله خطيه لاتدمرين حياتها

نوال ..ههههههاي ...هي وين عايشه بنت الشيوخ .. قابل بيت ابوها الشيخ عايشه ببيت دعاره يعني شتطلع .اول وتالي ع هالدرب هذا .وطبطبت ع كتف ام زمن ..وكملت كلامها وكالت ..المهم يجي وكته هالحجي وراحت من يمنه

زمن

.....انصدمت كلش ومتت خوف امي سحبتني من ايدي .. ودخلتني الغرف*نا .. وكالت شصخمتي شسويتي ..

گتلها ماما والله مسويت شي .. ابد جنت انضف وواحد لزمني وانهزمت منه ..

ام زمن .. ولج هي نوال ماتفك منج وانا هالمرض الخبيث ماباقيله شي ويفتك بيه انت منو الج .. صيري ادميه ادخيلج

زمن ..قابل شمسويه ياامي متكوليلي شمسويه .. والله مسويت شي ياامي احميني عفيه مااريد امشي بهالدرب وحضنتها وصرت ابجي ..

اعرف ان امي عدها سرطان بعنق الرحم .. بس هي دتاخذ كيمياوي ..ونوال گويه وراها هوايه ناس ومسيطره واني خايفه من مصيري والي حيصير الي ..

بعدها صاحت نوال بعالي الصووت ولججج زمانووو ليش ممنضفه هي الغرفه وصارت تغلط عليه .. بشتائم والفاظ نابيه رحت اركض ادور مكان صوتها شفتها مقابيل الغرفه الي طخيت بيها بالولد .. اشرت الي نضفيها يالوصخه ووووو وغيرها من الشتائم

وراحت ..وكفت ع باب الغرفه .غمضت .تذكرت عيون الولد .. وخايفه افوت تشجعت وفتحتها مبيها احد ..ماقفلت الباب خليت سطل الزبل ع الباب لأمنعه من ان ينطبگ .. وصرت انضف الغرفه السرير والارضيه جانت نضيفه الغرفه بس الكاسات والبطل اخدتهم شمرت البطل بالزبل والكاسات خليتهم ع الميز ..بينما داانضف الارضيه ..شفت عليها كارت اخذته ..شفت مكتوب قياد كريم صداك .. وارقام تليفونات ومكتوب معرض سيارات .والعنوان.اخذته وخبيته عندي ببجيب بجامتي .رجعت نضفت السرير وشلت الشراشف وفرشت غيرها نضيفه واني اتخيل الولد ع السرير ويه المومس فركت راسي اريد ابعد هالافكار المجنونه مني ... كملت تنضيف ..اخذت الكاسات مالت المشروب بأيدي اليمين والشراشف شمرتهم ع كتفي وايدي وبعدت سطل الزبل عن الباب وطلعت.وديت الكاسات للمطبخ. شفت سيف ابن نوال بالمطبخ حييل فقير امه مسيطره عليه هواي.. هو اكبر مني ب2سنه تقريبا.صبحت عليه ردهه عليه وطلع من المطبخ

. غسلت الكؤؤس ودخلتهم بالكاونتر .. الشراشف وديتهم للحمام وغسلتهم .ونشرتهم . هذا مجمل شغلي بالبيت اخلص شغل للظهر اطب بغرفتي. .سمعت صوت طفل يبجي ... بغرفة المخزن ..ردت اروح ..شفت باجي نوال جايه خفت وعفته ورحت للغرفه ..

قياد..:كعدت من النوم غسلت ورحت سلمت ع ابويه .. واعتذرت لان ماسلمت عليه البارحه كتله كنت تعبان .. اباوع الباب البلكونه الي على الشط بس مارحت ولافتحتها .. عفتها ..مرت كم يوم واني ببيت ابويه ..بعدها رجعت البغداد ..

ارتاحيت ..ونزلت شفت عمتي وزوجها .. نضرات امي غريبه ..وخجوله كأنها حاسه بحزني اتجاه موضوع خطبة ورده الي انخطبت لابن عمها مازن .ضاربة بعرض الحائط كل وعودنا وحبنا الي تبادلناهه البعض. سلمت عليهم كعدت ع الكرسي ع ميز الطعام وصرنا ناكل سويت نفسي ممهتم وقوي بس داخلي مهشم وحزين .. ابتسمت الهم .. بابا صباح گلي شونه الشغل هالايام

قياد..:تمام يابه زين ماشي الحال ..

صباح..:ادري بيك كدها ابني واني مطمئن ع الشغل مدام يمك

قياد .. اكيد اطمئن يابه ...

زهره .. حبيبي قياد احنه معزومين بعرس خالد ابن اخو صباح باربيل شنو رايك تجي ويانه

قياد..:ها راح يتزوج .. الف مب**ك لا مااكدر والله امي عندي شغل ان شاءالله اروح ابارك اله ..

زهره ..:ان شاءالله حبيبي يوم الاالك. ونفرح بيك ..

قياد...: احم ههه مو وكتها هالحجي ياامي بعد وكت ..

صباح ..:رح يصير عمرك 25مبقه شي وبعدك ترفض وتكول بعد وكت ..

قياد.:يي هههه يلا اترخص اني اروح للشغل

زهره ..:لسه مااكلت شي

قياد.:شبعت امي

زهره..:ماشي حبيبي براحتك

قياد...:يلا محتاجين شي ..

زهره,صباح...سلامتك دير بالك ع نفسك

قياد ..:

بالمعرض .. كعدت اشتغل .. اجه رضا وسولفنه ..

رضا..:اليوم رايح اجيب الطفل ..

قياد..ياطفل

رضا..:ابن صديقة ريهام ..راح اخذه واربي .. جمعت مبلغ .. وبعت ذهب شذى وكم فلس منا ومنا .. وكملت المبلغ الي طلبته مني نوال وراح اجيبه الليله

قياد ..:اي بس هالشي مايصح يااخي هي يسموها متاجره بالاطفال ..•

رضا...:الطفل معنده لاام ولااب .. واذا اشترو جهه ثانيه يمكن راح يصير مجرم او غير شي واني اريده ومأيس ان ميصير عندي اطفال وشذى متمسكه بيه متقبل تطلق ..

قياد ..:اوك براحتك ع طاري الذهب لك اني صديقك معقوله مابلغتني جان ساعدتك ليش تبيعه

رضا..:ممقصر حبيبي انت توكفلي بالجبيره ♪

قياد..:ههههههه شوكت تروح ؟

رضا..:الخميس حبيبي °°°مبين حلت الك الشغله

قياد ..هه لك لا ماحلت بس خليهه بعدين تعرف ..

الساعه تسعه ونص من يوم الخميس جهزت نفسي لحتى نروح لبيت نوال ومتشوق اشوف نسخة ورده .. وبداخلي جمر على ورده اباوع للتليفون اريد اتصل بيها بس اتردد واكول خلص ليش نعذب بعض واحنه ممقسومين واحد للثاني ...

رحت على رضا للبيت طلع وصعد بالسياره وانطلقنا .. وصلنا للبيت .. فتحو النا الباب ودخلنا كعدنا بالصاله ونفس جان عدهم ليله حمره مثل كل ليله .. انتظرنا نوال تجي

دخلت علينه نوال بملابسها الفاضحه .. ومكياجها الصاخب الفوضوي . .الحفله جانت هوسه وناس تركص وناس تشرب وغيرها رضا بقه يم نوال يتفق وياهه ع الطفل .. طلعت من يمهم سويت نفسي يم البنات بعدها شويه شويه بديت اتسحب واروح لغير مكانات بالبيت ادور زمن الي كلتلي هيج اسمها ..

مشيت بالبيت طليت بالمطبخ شفت ولد تقريبا عمره 18سنه بالمطبخ ديشتغل ويحضر ..بس هو ماشافني ..توجهت الغير مكان ..شفت باب رحت فتحته طلعني لوره البيت حديقه خلفيه .ظلمه .

صرت افتر حول البيت شفت شباك غرفه .بالبيت نفسه.ضاويه .. تقربت منها .. شفت بنيه دترگص لزمت حديد الشباك وكفت اتف*ج عليها ..

اي هي هاي زمن جانت وحدهه بالغرفه فاقده وتركص ع صوت الدي جي الي بالصاله العالي. لابسه فستان اسود قصير بس مو ضيق وانما فضفاض شويه .. وشعرها طويل لحد نهاية الفستان ..

صرت اقارنها وي ورده ..ورد شعرها لحد اكتافها ..

ركزت بيها .. وهي تتمايل وتهز .صرت اريدها اكثر . لازم اخذها لو شميصير .. شفتها تعبت وكعدت تمسح العرك من على جبينها .. عفتها ورحت ..

رحت للمكان الي بي. رضا ونوال .. وصار الطفل عند رضا.. نايم بحضنه .. وينتظرني

كال يلا كتله عندي موضوع وي ست نوال بعد اذنج ممكن نحجي كالت تفضل وهي تتعيقل عيوني الك ..

كتلها ذاك اليوم شفت بنيه دتنضف اسمها زمن اريدها

نوال ...:تدلل بس اجهزها الك ..شكد تدفع عليها فلوس ..

قياد..:مديت ايدي الها الي تردي

نوال ..تره هاي باكر ابد محد لامسها وغاليه

قياد..:مومشكله كتلج الي تطلبي

نوال ..لعد تعال بغير وكت علما اجهزها الك .. قياد..:ماشي بس بسرعه ..

ضحكت نوال كالت مستعجل الاخ صار ..تدلل اني راح اتواصل ويا رضا وهو يبلغك ..

قياد ..:ماشي

يتبع ...